• Fri. Oct 23rd, 2020

Andu angi 375 kurwara murimu wa covid19

ByJoshua Macharia

Jul 25, 2020

BY JOSHUA MACHARIA

Rashid Aman

Andu angi 375 nimarwarite murimu kimiri wa covid 19 gatagati ka mathaa mirongo iri na mana mahituku thutha wa guthima andu 2052 kuria makinyitie namba ya aria marwarite bururi ini kuma king’uki giki kigumiire bururi 16643.

Kuringana na ministry ya ugima wa mwiri bururi ini yugite aria mehatika ini ya kuhotwo ni king’uki giki ni aria mena murimu wa cukari na kuhaicia thakame,kuria moritio magerie guikara micii ini yao kugitira kunyitwo ni murimu uyu. CAS wa ugima wa mwiri bururi ini Rashid Aman niongereire kuga andu nimatigite kurumirira mikana iria mahetwo ni ministry ino ta gwithamba moko,gwikira turembeko twa maitho na kwaga gukuhaniriria. Kuria akumithitie aria marahingura na kwendia njohi irabu ini na kuga uria ukunyitikana agutunywo marua ma wira kuria atakahinguri ringi ori ori.

Undu wa gwikira mwihoko ni kuona arwaru 128 nimahonete na kurekererio mainuke mucii magikinyithia aria mahonete 7574. Ona kuri ouguo andu ana nimakuite mathaaini 24 mahituku makihingithia ikuu 278 guku bururi ini.

Kuringana na mathabu ma aria magumiirwo ni king’uki giki thi ng’ima ni mirioni ikumi na atano turuma mugwanja nao mirioni 9 makahona kuria angi 640000 magate mioyo yao

Follow us in social media:

Leave a Reply

Your email address will not be published. Required fields are marked *