• Wed. Oct 28th, 2020

Kenya kwonania unyihu wa covid-19.

Byflorence wairimu

Sep 2, 2020

 NDARIRI CIA COVID 19 KUHUKA KENYA KWONEKANA

Kuma mweri imwe wa kenda, bururi wa Kenya ni uronanirie unyihu wa murimu wa Covid-19 kuria muthenya wa ira kurathimirwo andu 1,682.Hari andu acio marathimirwo, andu 114 nio maronekanire na king’uki gia covid-19. Kurumirira mitaratara iria igathikitwo ni thirikari ya kuhurana na king’uki kia homa ya corona, muthenya wa ira gutiri mundu ona umwe urahurukire niundu wa homa iyo.

Gukinyiria riu namba ya aria marwarite murimu uyu ikinyite andu 34,215. Ndumiriri iyo irarekereirio niDagitari Aman kuria arathii na mbere na kuuria a Kenya mekire kio gia kunina murimu uyu na njira ya kurumirira mawatho o hamwe na mitaratara iria igiituo ya kuhurana na covid 19. Oho, Dagitari Aman niaraugire ati andu 263 a Covid-19 aria mararigitagirwo micii-ini yao nimarikitie kuhona nao andu angi 55 nimarikitie kuma thibitari-ini makionekana ni a honu. Nayo namba ya andu aria mahonete Covid-19 bururi-ini ni andu 20,211.

Kuringana na Ministry ya ugima wa mwiri bururi-ini, kuronania ati andu aria marikitie kuhuruka kumana na murimu wa Covid-19 ni andu 577.

Bururi wa Kenya ni wonanitie kunyihia namba ya arwaru a homa ya covid 19 kuma mweri wa kanana. Mutongoria wa bururi Uhuru Kenyatta arauga ati kiu ni kionereria kiega kuri mabururi mau mangi ati murimu uyu no uthire andu mangitikira kwigitira na kurumirira mitaratara iria ihagikitwo ni ministry ya ugima wa mwiri o hamwe naruhonge rwa World Health Organization (WHO).

Follow us in social media:

Leave a Reply

Your email address will not be published. Required fields are marked *