• Thu. Oct 29th, 2020


Kwaria ma, andu aria ehokeku bururi-ini matikoragwo mari aingi. No ona kuri ouguo, ni hari andu gatagati-ini gaitu aria makoragwo mari a kwihokeka. Paul Captain, mwanake umwe kuma mwena wa Thika, niamakitie andu thutha wa kuona kihuba kia mbeca mbathi-ini ya Kenya Mpya no mugaru na uria andu aingi mangirekire thutha wa kuona mbeca ta icio, Paul aratigiriire ati mbeca icio ni ciacoka kuri mwene.
Paul arauga ati aingirire mbaathi-ini iyo thaa inya na nuthu cia muthenya mwena wa Allsops na agiikara giti gia thutha. Riria makinyire Witeithie, andu maigana una makiuma, nake agithamira giti kia mbere. Hau niho onire muhuko na thutha wa kuuhingura, niguo onire kihuba kiu kia mbeca.
Augite ati ni ari na mabataro ma mbeca riria onire kihuba kiu, no thutha wa gwiciria muno uria egwika nacio, akiona arie na arata ake niguo mamwire uria egwika. Amwe nimamuringiriirie aikare nacio na ahuthire kuhingia mabataro make. No namba iria nene ya arata ake, makimwira ethe mwene mbeca icio na amucokerie.
Paul akauga ati ihinda riu riothe ari na mbeca icio, niaririkanaga ati mami wao niamwiraga ndakagethe haria atahandite, ciugo iria ciamutindikiriirie gucokia mbeca icio.

Follow us in social media:

Leave a Reply

Your email address will not be published. Required fields are marked *