• Mon. Jan 18th, 2021

MAUNDU MARIA MAHANIKIRE MWAKA WA 2007 MAHOTA GWICOKERA

ByBeatrice Muthoni

Sep 10, 2020

Muthathauri munene wa uteti Morris Odhiambo niaugite hindi iria atongoria a bururi mari itiina ini ria muico utongoria ini wao nimahuthagio muno ni tondu niguitikitio ati matire na hinya ringi wagukoruo magitua cira wa nu ugukoruo akirugama gitiini thiini wa githurano giukite.

Odhiambo niagite kiria gicungiriirie mutongoria wa bururi gukorwo akihuthio, ni tondu aria me thirikarini yake matirakorwo makirumirira na gwathikira mawatho maria marakorwo makiheo ni igoti.Ni augite makoretwo matekurumirira mawatho kuma riria maingirire thirikarini nginyagia  mutongoria wa bururi aruta watho matirabuata na gutiri uroya na uritu maria mothe arauga.

Ni uhoro wa kieha kuona ati njira ino atongoria makoretwo makigerera, akenya nimambitie kumirumirira ,kuria gukinyite handu makaga kurumirira na ningi kuhuthia  mawatho, undu uria ungicungiriria kwaga thayu thiini wa bururi witu na kuhotomia gucokia uiguano.

Undu uria uratuika uhuthitio muno, ni atongoria gutigana na uteti na kwamba kuruta wira.

Nikuratuika ati kwahotekeka mwaka wa 2022 riria tugakorwo na githurano, maundu maria mahanikire mwaka wa 2007 mahota gwicokera niundu wa miario ya rumena  iria irarutwo ni amwe a atongoria aitu.

Follow us in social media: