• Sat. Oct 24th, 2020

Mbeu njithi kwiyukiriria Murang’a

ByMuthoni Githire

Sep 5, 2020

Ihinda riri king’uki gia COVID-19 kinyitite thing’a, akenya aingi ni maheanite mateta mao ni undu wa guthuka kwa mawira na waagi wa mbeca. No mbeu njithi kuma Murang’a matongoretio ni James Maina Wambui, uria ni murutwo wa KMTC Lodwar na muciarirwo wa Kayole Murang’a, ni manyitanite na kwambiriria gikundi kia iheo cia ciana na mbeu njithi. Muoroto wa gikundi giki ni guteithiria anaake na airitu gukuria iheo ciao na kumagitira kumana na njohi na dawa cia kurebia.

Amemba a gikundi giki, kiria mahete ritwa Fine Arts Murang’a, nimakoretwo magithondeka indo citiganite cia uthaka wa nyumba ta nyungu cia mahua, mbica cia ruthingo-ini, thaa, na indo ingi nyingi. Hamwe na kwendia indo ici, nimarutaga wira wa kuhaka rangi nyumba-ini cia andu kiumbe, kuhanda mahua na miti, ona kugemia nduthi na ngari, na makahuthira mbeca-ici guteithia amemba aria marathinika kimuhuko.

James niaugite ati mena Kiroto gia kunenehia gikundi giki, na guaka workshop haria mbeu njithi marionanagia taranda ciao.

Follow us in social media:

Leave a Reply

Your email address will not be published. Required fields are marked *