• Tue. Oct 27th, 2020

Turoretio nduma ini ya 2007/8

ByBeatrice Muthoni

Sep 9, 2020

Bururi wa Kenya uri ugwatini wa kugumiruo ni mbara ta iria ciahanikire thutha wa githurano kia mwaka wa 2007/8, angikorwo atongoria matikugarurira migendere yao o undu umwe na kunira kanua ithigi riria mararia gatagati ini ka muingi.

Ici ari itumi iria ciacungiriire ngahiha,andu kuingatwo kwao na ikuu nyingi ikioneka, maundu maria maronekana makihanika o riri turatara mwaka umwe na mieri ikumi na imwe kamuira tuingirite githurano ini kia 2022

Maria mangi macungiriirie mbara iria yamirire mwaka wa 2007 ni kwaga kuiguana gatagate ka atongoria,atongoria kuruta miario ya rumena na akenya gutheremia uthu wa gikabira gatagati kao. kwina uhotekeku ati kura cia mawoni iria ciirigiriiruo kunganio ciahota kurehe njatukano makiria gatagati ka atongoria na akenya.

Gikundi kia atumia nimokiriire na kuruta mikana kuri ateti aria mangikorwo makiaria miario ingirehe ngui na kugayania bururi.

Atongoria anene nimoritio magerie uria mangihota kuona andu aria marakorwo makiaria miario ingirehe ngui na rumena makorwo makioerwo makinya mahiu.

Nikuratuika ati njatukano ya kiuteti  na ukabira kuracungiruo ni miahu ya atongoria amwe a mutongoria wa bururi Uhuru Kenyatta,mutongoria wa kiama kia ODM Raila Ondinga na Munini wa mutongoria wa bururi William Ruto

Follow us in social media:

Leave a Reply

Your email address will not be published. Required fields are marked *