• Sun. Oct 25th, 2020

Mutongoria wa bururi Uhuru Muigai Kenyatta niagwetetwo ni maseneta ari kiremithia kinene uhoroini wa nditimurano iria ugumiire maseneta ya kwamura uria ugai wa kigina gikugayanwo makauntiini.

Maseneta amwe nimaritie na kuga ati maundu maria mothe mabangite na makaiguithaniria thiini wa kamiti ciao iria ciathondeketwo kurehe uiguano uhoroini uyu wothe waharaganirio ni mutongoria wa bururi Uhuru Kenyatta kuria arekereirie ndumiriri yake na kuga ati no ende ugai wa mbeca thiini wa makauti  ukoruo ukirora uingi wa andu.

Maseneta maya nimaugite maritwa mao matigekirwo king’ang’aini niundu wa itumi cia ugitiri.

Wagi wa uiguano gatagati ka maseneta nikuratuika ati nigucungiriirie makaunti gukorwo makigerera mahinda maritu muno ni wagi wa mbeca tondu citingirekererio nginyagia senate ituithanie uria ikuganyanio.

Nimarauga ati thirikari niyageretie uria wothe ingihota niguo kuona ati ajenda yake niyahituka  riria maseneta Cleophas Malala,Christopher Lang’at na Stephen Lulegwe manyitirwo niguo matikanyite itemi nderetini ya ugai wa kigina hindi iyo.

Nimaugiti ati mubango wa thirikari niwaringire ihiga thutha wa maseneta kurugamia giikaro kiu nginyagia atatu acio marekererio.

Seneta wa kaunti ya Elgeiyo Marakwet Kipchmba Murkomen niaugite ati thutha wa miario ya mutongoria wa bururi uhoro uyu wa kuamura cira wigie ugai wa kigina niwarituhire muno.

Follow us in social media:

Leave a Reply

Your email address will not be published. Required fields are marked *